Aprelin 12-də Nərimanov rayonu 14 saylı uşaq poliklinikasında Talassemiya Mərkəzinin təşkilatçılığı ilə “Talassemiyasız həyat naminə” mövzusunda poliklinika həkimləri üçün maarifləndirici seminar keçirilib.
Seminarda Talassemiya Mərkəzinin Stasionar şöbəsinin müdiri, Hematoloq Dr. Samirə Həsənova və Mərkəzin Hematoloqu Məhsəti Hüşənova iştirak ediblər.
Seminar iştirakçılarına talassemiya xəstəliyi, talassemiya xəstəliyinin əlamətləri və müalicəsində müasir yanaşmalar haqqında ətraflı məlumat verilmişdir.
Seminar nəzəri hissədən sonra, müzakirələrlə davam edib.
